പുളിങ്കുന്ന്
ഗ്രാമ പഞ്ചായത്ത്

1994-ലെ കേരള പഞ്ചായത്ത് രാജ് ആക്ട് 4-ാം വകുപ്പ് (1)-ാം ഉപവകുപ്പ് പ്രകാരം സർക്കാരിന് ഓരോ ഗ്രാമത്തിനോ ഗ്രാമങ്ങളുടെ കൂട്ടത്തിനോ ഒരു ഗ്രാമപഞ്ചായത്ത് രൂപീകരിക്കാവുന്നതാണ്. ജനക്ഷേമ കാര്യങ്ങളിലും നിയമപരമായ ചുമതലകളിലും മാത്രമല്ല, ആസൂത്രണം, വികസനം, ശുചിത്വം, ആരോഗ്യം, വിദ്യാഭ്യാസം തുടങ്ങിയ ജനജീവിതത്തിന്‍റെ സമസ്ത മേഖലകളിലും ഗ്രാമപഞ്ചായത്ത് അതിന്‍റെ ചുമതലകൾ നിർവഹിച്ചുകൊണ്ട് നിലകൊള്ളുന്നു.

73-ാം ഭരണഘടനാ ഭേദഗതിയും 1994-ലെ കേരള പഞ്ചായത്ത് രാജ് ആക്ടും അനുബന്ധ ചട്ടങ്ങളും ഗ്രാമപഞ്ചായത്തുകൾക്ക് വിപുലമായ അധികാരങ്ങളും വിഭവങ്ങളും കൈമാറിയിട്ടുണ്ട്. കേരളത്തിലെ തദ്ദേശസ്വയംഭരണ സ്ഥാപനങ്ങൾ ഇന്ന് പ്രാദേശിക സർക്കാരുകളായി പ്രവർത്തിക്കുന്നു.

സമയബന്ധിതമായും നീതിപൂർവ്വസമായും വിവിധ സേവനങ്ങൾ ജനങ്ങൾക്ക് ലഭ്യമാക്കുന്നതിനും തദ്ദേശസ്വയംഭരണ സ്ഥാപനങ്ങളെ ജനസൗഹൃദപരമാക്കുന്നതിനും ഇ-ഗവേണൻസ്, ഫ്രണ്ട് ഓഫീസ് മാനേജ്മെന്‍റ് സംവിധാനം ഉൾപ്പെടെയുള്ള നൂതന പരിപാടികൾ ഗ്രാമപഞ്ചായത്തുകളിൽ നടപ്പിലാക്കിയിട്ടുണ്ട്.

സെക്രട്ടറി, അസിസ്റ്റന്‍റ് സെക്രട്ടറി, അസിസ്റ്റന്‍റ് എഞ്ചിനീയർ, ഓവർസിയർ എന്നിവർ ഭരണപരമായ പ്രവർത്തനങ്ങൾ, രേഖാ പരിപാലനം, പദ്ധതി നിർവ്വഹണം, നിർമ്മാണ പ്രവർത്തനങ്ങൾ എന്നിവ ഏകോപിപ്പിക്കുന്നു.

കൃഷി ഓഫീസർ, ലൈവ് സ്റ്റോക്ക് ഇൻസ്പെക്ടർ, ഫിഷറീസ് സബ് ഇൻസ്പെക്ടർ എന്നിവർ കൃഷി, മൃഗസംരക്ഷണം, മത്സ്യബന്ധനം എന്നിവയുമായി ബന്ധപ്പെട്ട വികസന പ്രവർത്തനങ്ങൾ നടപ്പിലാക്കുന്നു.

VEO, ICDS Supervisor, Health Inspector (JHI/JPHN) എന്നിവർ പൊതുജനങ്ങളുമായി നേരിട്ട് ഇടപെടുകയും വിവിധ ക്ഷേമ പദ്ധതികളും ആരോഗ്യ സേവനങ്ങളും നടപ്പിലാക്കുകയും ചെയ്യുന്നു.

എണ്ണം